«Ақтөбе облысының білім басқармасы

Алға ауданының білім бөлімі» мемлекеттік мекемесінің
«Есет батыр атындағы мектеп-бақша» коммуналдық мемлекеттік мекемесі

Есет батыр атындағы мектеп-бақшасында “Smart bala” жобасы аясында 8 “в” сынып оқушылары “Қоршаған ортадағы сапалық реакциялар”тақырыбында смарт-жоба орындады.

Бұл химия пәні бойынша смарт-жоба өте орынды тақырып. Оқушылар тәжірибе жасап, түрлі ортада (су, топырақ, ауа) химиялық сапалық реакциялар арқылы қандай заттардың бар екенін анықтай алады.

Жобаның мақсаты:

Қоршаған ортадан алынған үлгілерге (су, ауа, топырақ) сапалық реакциялар жүргізу арқылы ондағы химиялық заттарды анықтау, экологиялық ахуалды бағалау және оқушылардың ғылыми-зерттеу дағдыларын дамыту.

20.11.2025 ж. Есет батыр атындағы мектеп-бақшасының “Жас эколог” клубының жоспарына сәйкес “Қоқысқа екінші өмір” тақырыбында шеберлік сағаты өтті. Шеберлік сағатта “Алтын ою” үйірмесінің мүшелері қалдық қағаздарды блендрмен ұсақтап, түрлі түсті бояуларға малу арқылы әдемі картина жасады.

Мақсаты:

-Қоршаған ортаны қорғауға тәрбиелеу: Оқушыларға табиғатты аялаудың маңызын түсіндіру, экологиялық жауапкершілік қалыптастыру.

-Шығармашылық қабілеттерін дамыту: Қалдық материалдардан пайдалы әрі сәнді бұйымдар жасау арқылы оқушылардың қиялын, қолөнер дағдыларын жетілдіру.

-Тұрақты даму мәдениетін қалыптастыру: Күнделікті өмірде қалдықты дұрыс сұрыптау, тұрмыстық қалдықты азайту әдетін қалыптастыру.

Үйірме жетекшісі: Тапалова К.А.

23.10.2025 жылы 9-сынып оқушыларына «Апиын – үміттің жауы» тақырыбында дәріс оқылды.
Мақсаты: жасөспірімдерге апиын мен басқа да есірткі заттарының адам өміріне, денсаулығына, болашағына тигізетін зиянын жан-жақты түсіндіру. Сабақ барысында есірткінің адам ағзасын улайтыны, психикалық және әлеуметтік күйзеліске әкелетіні, білім алуға, арман-мақсатқа, отбасы мен қоғамға үлкен қауіп төндіретіні айтылды. Тарихи апиын соғыстары арқылы есірткінің геосаяси салдары түсіндірілді. Дәріс соңында оқушылармен кері байланыс жүргізілді. Арнайы әзірленген сандықшаларға түрлі сұрақтар орналастырылып, оқушылар сол сұрақтарды таңдап алып, мазмұнды жауаптар берді. Бұл әдіс олардың тақырыпты қаншалықты түсінгенін анықтауға, өз ойларын еркін жеткізуге және есірткіге қарсы көзқарастарын қалыптастыруға мүмкіндік берді.
Кері байланыс нәтижесінде оқушылар дәрістен алған негізгі ақпараттарды нақтылап, салауатты өмір салтының маңызын тағы бір рет атап өтті.
Ұйымдастырушы: әлеуметтік педагог А.Ғ.Алмағамбет.

Есет батыр атындағы мектеп-бақшасында оқушыларға күзгі-қысқы кезеңде су айдындарындағы  қауіпсіздік ережелері туралы ата-аналар мен балаларға арналған жадынама таратылды.

Жадынаманың мақсаты:

• Күзгі-қысқы кезеңде су айдындарында (өзен, көл, тоған) туындайтын қауіп-қатерлер туралы ата-аналар мен балалардың хабардарлығын арттыру;
• Мұз үстінде және су жағасында қауіпсіз жүріп-тұру ережелерін түсіндіру;
• Балалардың өмірі мен денсаулығын қорғау үшін ата-аналардың бақылау және жауапкершілік рөлін күшейту;
• Төтенше жағдайлардың алдын алу, қауіпсіздік дағдыларын қалыптастыру;
• Қауіпті жағдай туындағанда дұрыс әрекет ету тәсілдерін үйрету.