«Ақтөбе облысының білім басқармасы

Алға ауданының білім бөлімі» мемлекеттік мекемесінің
«Есет батыр атындағы мектеп-бақша» коммуналдық мемлекеттік мекемесі

Елімізде қыркүйек айының соңғы жексенбісі күні «Еңбек күні» мерекесі ретінде атап өтіледі. Аталған меркеге орай 24.09.2025 ж. мектебімізде «Еңбекқорлық – табыстың кілті» атты жәрмеңке өтті. Шара барысында оқушылар өз қолдарымен жасаған түрлі тағамдар, тәттілер мен сусындарды сатылымға қойды.

Іс-шараның мақсаты – оқушылардың еңбекқорлыққа, кәсіпкерлікке, үнемшілдік пен жауапкершілікке баулу, сондай-ақ өз еңбегінің нәтижесін бағалауға және ұжымдық жұмысқа үйрету.

Жәрмеңке қатысушыларға үлкен тәжірибе сыйлап, мектептің игі дәстүрін қалыптастырды.

19.09.2025 ж. Есет батыр атындағы мектеп-бақшада Отбасы күніне арналған іс-шаралар жоспарына сәйкес “Отбасы - бақыт мекені” тақырыбында 3-4 сынып оқушылары арасында мәнерлеп оқу байқауы ұйымдастырылды. Оқушылардың өлеңдері инстаграм әлеуметтік  желісіне жүктеліп, ең көп лайк жинаған қатысушылар жүлделі орындармен марапатталды.

Шараның мақсаты:

• Оқушылардың отбасы құндылықтарына деген сүйіспеншілігін арттыру, ата-ана мен бала арасындағы ынтымақтастықты, сыйластықты дәріптеу;
• Балалардың мәнерлеп оқу дағдыларын, сөйлеу мәдениетін дамыту;
• Оқушылардың шығармашылық қабілетін, сахнада өз ойын еркін жеткізуге үйрету;
• Отбасының қоғамдағы рөлін түсінуге, өз отбасын қадірлеуге баулу.

19.09.2025 ж. Есет батыр атындағы мектеп-бақшада Отбасы күніне арналған іс-шаралар жоспарына сәйкес “Отбасы - бақыт мекені” тақырыбында 1-2 сынып оқушылары арасында сурет көрмесі ұйымдастырылды.

Көрменің мақсаты:

• Оқушылардың отбасы туралы түсінігін, сүйіспеншілігін сурет арқылы бейнелеуге мүмкіндік беру;
• Отбасы құндылықтарын, татулық пен сыйластықты насихаттау;
• Мектепте отбасылық құндылықтарға құрмет пен жылы қарым-қатынас атмосферасын қалыптастыру.

19.09.2025 ж. Есет батыр атындағы мектеп-бақшада “Мектеп пен отбасы: Адал әрі жауапты азамат тәрбиелеудегі өзара ынтымақтастық” тақырыбындағы ата-аналар комитетінің І отырысы өтті.

Күн тәртібінде:

1. Мектеп пен ата-аналар комитетінің ынтымақтастығын арттырудың жолдары туралы.

2. Мектеп ата-аналар комитетінің жұмысын үйлестірудің ерекшеліктері туралы.

3.   Мектеп ата-аналар комитетінің төрағасы мен алқасын сайлау туралы.