2.09.2025 ж. Есет батыр атындағы мектеп-бақшасында “Менің Отаным – Қазақстан” тақырыбында бірыңғай тәрбие сағаттары өтті.
Мақсаты:
• Оқушыларға Отан, туған жер, ел бірлігі ұғымдарын түсіндіру;
• Қазақстан Республикасының тәуелсіздігі мен жетістіктеріне мақтаныш сезімін қалыптастыру;
• Отан сүйгіштікке, елін, жерін құрметтеуге тәрбиелеу;
• Болашаққа деген сенімдерін нығайтып, білім алуға ынталандыру.
Тәрбие сағаты барысында мектеп-бақша директоры Султангалиева А.Т. класс жетекшілері мен оқушыларды оқу жылының басталуымен құттықтады.
Мектеп басшысы өз сөзінде Білім күнінің маңыздылығын атап өтіп, бұл күннің жаңа арман-мақсаттардың, тың жоспарлардың бастауы екенін айтты.
Директор оқушыларға ел болашағы ретінде білімге құштар болып, табысқа жетуді, жақсы оқуды тіледі. Ұстаздардың еңбегін ерекше бағалап, олардың шәкірт жүрегіне жол табудағы рөлі зор екенін жеткізді.
Сөз соңында мектеп директоры жаңа оқу жылы баршаға сәттілік, табыс пен қуаныш әкелсін деген тілегін арнады.